لاحول ولاقوة الا بالله............مش عارف ان ليه الايام ديه مش مبسوط..وحاسس ان روحي تريد ان تخرج مني.....ولكني اتذكر وانا صغيركنت العب في الشارع طول النهار اصلي انا اتولدت في شارع من شوارع الاسكندريه ياه عليها هذا الشوارع كنا نلعب كل حاجه السيجه والكره والنحل والبلي كل الالعاب حتي انني كنت اعمل نفسي حاوي والم الاولاد ليتفرجوا علي الحاوي كنت اتوسط الشارع واجلس الاولاد علي جانبي الطريق..ولاشيء يمنعنا وكان الشارع خالي من الماره لانحس بهم وكانهم لايروننا حاجه غريبه كيف كنا لانشعر بهم ولايشعرون بنا مع اننا كنا نفعل ضجيج واصوات عاليه وكان لم يمر احد من جوارننا...هل كان الناس في ذالك الوقت لايتصدعون.ولايزعجون من هذه الاصوات العاليه...اظن انهم كان بالهم رايق...النهارده حتي ولو طفل اصدر صوتا ولو ضعيفا تجد كل من حواله يسكتونه وينهرونه والكلمه الفضله...ياابني اسكت صدعتنا...وكان في ذالك الوقت اتذكر اننا نعمل حاجات كتيره طوال النهار واليوم لاينتهي.كان اليوم طويل جداا حتي كان لما احد يعطي لااحد معياد يقوله حاجيلك علي الضهر او المغربيه وكان الضهر هذا بعيد قوي.....دلوقتي كل حاجه اتغيرت اليوم ثانيه..صارورخ.مينفعش تقول لحد حاجيلج الضهر لان الضهر النهارده شابك في العصر ...مش عارف فيه ايه حجات كتيره اتغيرت..ولما كبرت شويه عرفت عم فلان ..وعم فلان وابلتي ام فلان الي ساكنين معانا في الشارع..ممكن ابلتي ام فلان تنده عليه لكي اشتري لها عيش او جاز اي حاجه..وياسلام لوان احد من الشارع اتعارك مع احد من شارع تاني تجد ان الشارع كله يقف معاه ويسانده اما اذا كان العراك بين اتنين من الشارع ..تجد الشارع كله يتلم ويصلحهم علي بعض المهم لاينتهي المجلس الا بالصلح..اتذكر كل هذا وكانني لم اعيش كل ذالك من قبل..كل حاجه كانت بسيطه وسهله ومفيش مشاكل..افتكر لما عم جابر جاب تلفزيون 17 بوصه الدنيا كلها اتلمت عنده يهنئونه علي التلفزيون وام علي مرات عم جابر تستقبل كل يوم وفود من الشارع ليتفرجوا علي التلفزيونوتزداد هذه الوفود في معياد التمثليه بتاعه سبعه وكل اخر شهر سهره للست مع اغنيه جديده....حجات كتيره اتغيرت الان....مش عارف الناس هم الي اتغيروا ولا دلوقتي عصر السرعه والنت ....مره حلمت لما شفت فيلم لمحمد عوض وهو بتكلم في الاسلكي بتاع البوليس.حلمت انه ياسلام لو فيه وسيله نكلكم بها افراد العصابه بتاعتي عن بعد يااااااسلام ديه تبقي معجزه.اصلي كان عندي عصابه من ابناء الشارع للعراك وللدفاع عن الشارع..ايه الي انا بقواله ده.انا بفكر في حاجات كتيره.. ودماغي عماله تجيب وتودي..فاكر لما كنت في المدرسه وفاكر لما قامت المظاهرات ف 78 كنت ساعتها في تانيه ثانوي وعرفت ان الجاز بقي غالي وبقي باربعه ساغ وانبوبه الغاز بقت بستين ساغ...يومها توسطت المدرسه وقلت احيه الجاز بااربعه ساغ..وكل ررد ورايه ااحه الجاز باربعه ساغ..وكانت هذه بدايه المظاهره وانا مش عارف حاجه ولاعارف ليه الجاز باربعه ساغ...الناس كانت بسيطه....بس انا فاكر انه كان موضوع الصلاه والعباده كان امر ثانوي قله بسيطه في الشارع هم الي بيصلو ويقراءو قران..كان نفسي يكون عندي مصحف.كنت بحسب انه غالي جدا..والعثور عليه صعب......هم اهلنا ربونا كده مش كفايه الاكل والشرب ......واللبس بقه ده بظرفها لو امي عملت جمعيه يبقي حنكسي معملتش يفرجها ربنا....دماغي صدعت دلوقتي ..بسه لسه فيه كلام كتير عايز اقوله اكمله بعدين لان الظهر قرب مع اني لسه قايم من النوم.عايزكم تستونوا تاني0000000000000000
قبل العصر ..نرجع لمرجعنا انا بقول اننا تربيا تربيه مع انها كانت معظمها في الشارع الا انها كانت فيه اصول وعادات وتقاليد واحترام للكبير ويد الله مع الهانا قد صليت الضهر والحمد لله الحق بقه اقول الي في نفسي جماعه..داحنا لو كان فيه حد بيسال عن عنوان نمشي معاه حتي يوصل الي المكان الي بيسال عليه ونكون برضه عزمناه علي الغدا او حتي علي كبايه شاي...بقوال انه في 78 لما الحجه غليت قومنا كلنا في وقت واحد ورفضناكل انواع الغلاء ...بس الحكومه بقت شطره بعد ذالك اخذت كل الاحتياطات زودت الامن المركزي وبعدين مبقوش يغلوا الحاجه مره واحده...الاول يمنعوها من السوق فتشتريها من السوق السودا بااسعار غاليه...وبعد ماتحتار الناس ينزلوها في الجمعيات بالسعر الي هم عايزينه فنثصفق لهم ونحمد الله اننا وجدنها وسعتها مش مهم الغلاء المهم اننا نجدها ونترحم من السوق السودا شغل ابالسه..والله احنا طيبين قوي وبيضحك علينا بسهوله..المهم احنا دلوقتي بنصلي وفيه المحمول الي تكلم به اي حد عن بعد اللي كان نفسي فيه من زمان...وكومبيوتر ونت وممكن تقراءه اي مصحف واي كتاب اسلامي.......الغريب اننا مع اننا قربنا من الله وجدت اننا بعدنا عن بعض كتير .وغابت العادات والتقاليدوالرجوله والجدعنه والشهامه..مش عارف ليه يمكن تقربنا الي الله ينقصه حاجه..طبعا الشيطان اليومين دول شغال شغل من نار...وشادد جدا علي اولياء الله..والموضوع محتاج الي صبر ايوب حتي نعدي المحنه ديه...انا بدو علي ايمان فيه اخلاص ايوة هو دة الي انا عايز اتكلم فيه ايمان فيه اخلاص ويقين اتذكر قصه ذكرها ابن كثير في تفسيره ان الرسول صلي الله عليه وسلم قد بعث سريه لتصي احوال الاعداء..وكان بينهم وبين هذا الجيش بحيره تمنعهم من المضي لتنفيذ امر رسول الله صلي الله عليه وسلمفماذا يفعلون يرجون فقال اميرهم والله لاارجع عن امر الزمني به رسول الله فصلي الي الله وساله ان يعنهم علي امر رسول الله..وطبعا باخلاص.وبعد الانتهاء من الصلاة وجد ان البحيره قد تجمدت فعبرهوا بخيولهم وعرفوا اخبار العدو ورجعوا الي رسول الله صلي الله عليه وسلم وقصوا عليه الخبر.فتبسم رسول الله صلي الله عليه وسلم وقال والذي نفسي بيده لون في قلب احدكم مثقال ذره من حب الدنيا لغرق وغرقت جميعا......يبق هو ده الموضوع حب الدنيا ..نقول احنا ملتزمين بس شويه نحب الدنيا..وابليس ساعتها يقولك انته كلك اخطاء وانته محتاج حاجات كتير انته معذور خد سلفه من البنك مش مهم المره ديه ..او ممكن تنصب علي فلان .اوتخدع علالن وحب الدنيا يملاؤء قلوبنا شيء فشيء حتي امتلاء قلبنا بحب الدنيا الرسول صلي الله عليه وسلم يقول مثقال ذره من حب الدنيا لغرق وغرقوا جميعا....فماذا يقول لنا وقد امتلاء قلبنا بحب الدنيا.انا من النهارده اصلح نفسي..واول حاجه اعملها اكون صادق مع نفسي لاانني الوحيد الي عارف نفسي بتغلط في ايه وهي عايزه ايه..كل واحد في الدنيا عارف غلطه فين مش محتاج لتصيح من الخارج اويسال............... التصحيح من الداخل من نفسك .خطرات مرت علي قلبي فبينتها وصرحت بها فهل احد عنده خطرات يبينها لنا وله جزيل الشكر...؟
