هل تفكرت بهذه النعم ؟

السلام عليكم و رحمة الله و بركاته

شلونكم شخباركم عساكم بخير ؟


دائماً نقول نعم الله لا تعد و لا تحصى و فعلاً نعمه لا تعد و لا تحصى و نحمد الله عليها

لكن هل تفكرت بهذه النعم ؟ , هل شكرت الله عليها ؟ هل أحسست بقيمتها ؟

من منا تفكر بنعمة اشهاره للإسلام ؟

هناك الكثير من هم مسلمون و لكن لا يستطيعون ان يشهروا اسلامهم ,
هناك الكثير من هم مسلمون و لكن لا يستطيعون أن يتعلموا العلوم الاسلامية بحرية
هناك الكثير من هم مسلمون و لكن لا يستطيعون الصلاة في المساجد

فلديهم الكثير من العوائق , سواء حروب او سياسات او عوائل صارمة بخصوص هذا الدين

بعكسنا , فبكل سهولة نذهب للمسجد , بل ان كل مسجد لا يبعد عن بيوتنا الا بضعه امتار , في بعض الأحيان و أنا بغرفتي يصلني صوت اكثر من مؤذن من أكثر من مسجد
فهل تفكرت انها نعمه ؟ لأن البعض محروم .

---

ببدأ اتكلم عادي :p

ذاك اليوم على قناة ديسكفري حاطين عن شخص
بدايه عمره كان طفل طبيعي الى ان بدأ جلده يُطرح و يسقط

الى ان اصبح من غير جلد , كل لحم جسمه مكشوف و امه تعتني به الى ان اصبح عمره 35 و هي تغير القطن والشاش الذي عليه مرة اسبوعياً
و لكنها محرومة حتى من أنها تلمه و تخفف عليه المه
ابوه الي كان يحبه بس كان عنده شعور ان هالطفل حمل عليه و لو كانوا يدرون انه جذي لأجهضه , ابوه الي كان كل يوم يروح الفراش يجيك اذا ولده مات و لا لا و هي عنده شعور متناقض هل يتمنى موت ولده ؟ و لا لا ؟

طبعا الطفل كبر و صار ريال و ايده و ريله اختفوا ملامحهم و كان مقعد
لما كمل الـ35 راح الطبيب مع امه و قالوا له ان فيه سرطان بالجلد " الله يكافينا شر هالامراض" و ما بقى له الا سنة و يموت , هل يفرحون من حوله بموته ؟ و لا يحزنون ؟
فبموته تتحرر روحه مثل ما يقولون او يرتاح هو من هالآلام , لكن بيفقدون شخص كان حنون عليهم مثل ما هم حنونين عليه .

بآخر سنه من حياته قرر انه يسوي فيلم وثائقي عن حياته و عن مرضه
و انشأ مؤسسة توعويه عن هالمرض , خصوصاً و إن الآن باختبار بسيط على الجنين و هم في رحم امه يعرفون ان اذا فيه هالمرض و لا لا , و يتحيون فرصه لإجهاضه .

قعد , رتب كل شي لجنازته , صور الفيلم , حقق حلمه انه يصير له بيت بروحه
بنوا له بيت بحديقتهم عباره عن غرفه وحده و سوا حفله بمناسبه هالبيت و بنفس الوقت حفله وداع يشوفونه للمره الاخيره , تدهورت حالته مرض بس اصر انه يشوف رئيس مجلس الوزراء بلير و يتعنى و يروح بالقطار من قريته الى لندن و يقابل هناك كبار المسؤولين عشان ينشر عن هالمرض و فعلاً تبروعوا لمؤسسته لزياده التوعية
و بالضبط رجع البيت و توفى يعني حقق اهدافه و بنفس الليله توفى و صارت جنازته مثل ما خطط لها من الموسيقى الى الرسم الي على التابوت الى الاشياء المميزة الي يهديها لكل شخص من اهله

نهايه الفيلم كانت تحليق بين الغيوم و كلمات منه شخصياً يقول ان الحين روحه تحررت .

فهل تفكرتم بنعمه الجلد ؟ هل احسستم بقيمته يوماً ؟

--

بأحد المرات احدى الداعيات قالت لنا قصه
قالت انها كانت مسافره برا للعلاج حق ولدها و يمها وحده كويتيه مع بنتها
تعرفت عليها
تدرون شنو مرض بنتها ؟
عيب خلقي ما عندها العظم الي بالويه ( مادري شلون اوضح بس يعني صوب اللحية العظمة هذي ! )
و يايبتها هناك عشان يزرعون لها او يعالجونها المهم شي جذي
و فعلاً نجحت العملية و البنوته صغيره يمكن 7 او 8 سنين

بس شالوا الشاش عن ويهها و وروها شلون صار
و كانوا مجهزين لها على طاوله سرير المستشفى مرايا واايد من كل شكل و لون وين ما تلتفت تشوف ويهها بهالمناظر
و بفررحة تقول حق امها
"يمااااااااااااا انا عندي ويه "

فهل خطر ببالكم يوم تحمدون ربكم على هالعظمة بالذات ؟

بأحد كتب الدكتور بشير الرشيدي
قال او بما معناه ان انت اغلى شي عندك
عيونك تسوى اكثر من 10 ملايين
اذونك
قلبك
كل شي بجسمك له قيمة تسوى الملايــــــــــين
فلا تحس انك فقير او مفلس , و حب ذاتك و نفسك لأنك انت غالي و تسوى وايد


هذي بس جم نعمة لفت نظر البعض لها اذا ما كانوا قد تفكروا بها فعلاً

فما بالكم بغيرها من النعم الي لو بنعدهم و نذكرهم ما نقدر

من اصغر خليه بجسمك الى اكبر شي بهالكون ,

فسبحان الخالق , و نحمده نشكره على هذه النعم و يرزق من يفتقدها

و السلام عليكم و رحمة الله و بركاته

ملاحظه : الموضوع ليس منقول ...!

وعليكم السلام

والله من جد

نعم الله

كثيرة لاكن مافي احد يشكره

والقصص مؤثرة

مشكووور يالغآإآإلـــي

تـ ح‘ ـيآتي

الله يعطيك العافية

اهم شئ ان الموضوع عاجبك